Murati: Pas taksës prej 100%, nevojitet mobilizim për produktet tona

16:53 | 29 Nëntor 2018
A. B.

Kryetari i Lëvizjes për Bashkim, Valon Murati, ka bërë të ditur se sot ka filluar punën Konventa e Parë e Klubit të Prodhuesve të Kosovës.

Ai në një postim në Facebook ka shkruar se, ky klub ka bërë një punë të mirë në promovimin e prodhimeve vendore dhe në presionin që politikat qeveritare të jenë më miqësore ndaj prodhuesve.

“Në situatën aktuale, kur prodhimeve nga Serbia i është vendosur taksa 100 për qind, duhet një mobilizim edhe më i madh që prodhimet tona të fitojnë besimin tonë dhe njëkohësisht të bëhen të afta të konkurrojnë në tregun e jashtëm”, ka shkruar Murati.

“Unë kam besim në shumicën e prodhimeve tona. Kontribuoni të gjithë që duke blerë prodhime të Kosovës, të bojkotojmë prodhimet e Serbisë dhe të ndihmojmë që cilësia e prodhimeve tona të rritet. Unë besoj në prodhimet tona dhe deri më tani nuk jam zhgënjyer. Besoni edhe ju”, ka shkruar tutje Murati.

Shpërndaje në rrjete sociale

Lajmet më të lexuara

Të ngjashme

Foto lajm